اسفه علي كل شئ قولته وماقلتوش
اسفه علي كل حلم من هبلي ما حلمتوش
ماعدتش ابقي البريئة ولا للظلم احوش
ولا راح ادور عالحقيقة ورا الوشوش
سلمت ألف راية بيضا وناويت اعيش
واعمل اللي يسعدني وحزنكم ما يهمنيش
وان شفت أنكر جريمة أنا شيش بيش
ولساني من قولة الحق حرم مايختشيش
وانا سمعت ألف آه هاقول ما تتحشريش
وانا قالوا مظاهرة رجلي متجبسة بخيش
تصريح مواطن مصري خايف مالكلابوش
وكلمتين بالحبر السري ولسري ما تفشوش
دي كلها كدبه بيضا تحسبا للكلابوش
