أمَّايه .. وانتي بترحي بالرَّحي..
علي مفارق ضحى..
-وحدك- وبتعدِّدي
علي كل حاجه حلوه مفقوده
ماتنسيش يا امَّه في عدُّوده
عدُّوده من أقدم خيوط سودا في توب الحزن
لا تولْولي فيها ولا تهللِّي..
وحطي فيها اسم واحد مات
كان صاحبي يا امَّه..
واسمه
ناجي العلي
يا قبر ناجي العلي ..وينك يا قبر
يا قبر معجون بشوك مطلي بصبر
الموت يقرب عليك ..يرتد خوف
واذا ما خافش الموت .. يرتد جبر
يا قبر ناجي العلي .. يادي الضريح
كان ميتك للأسف وطني صريح
تحتك فتي ناضر القلب .. غض
كان قلبه .. أرض مخيمات الصفيح
الأرض متغربه .. والحلم ملْك
خريطه شبه الوطن محاصرها سلك
واقف وراها شريد عاقد ايديه
حنّ الوطن ذلك .. للأرض .. تلك
غشيم في حب الوطن طبعا غشيم
ياللي تحب الوطن .. من الصميم
علي طريقة العرب في الحب .. عيش
ولىِ .. نقى .. متَّقي .. لكن لئيم
ناجي العلي في الأغنيه
هل عليّه
زي الغزاله البريه ماسك رسمه
كام قلت له : قولها خفايف
نص شفايف
قاللي : يا شاعر لو خايف شوف الرسمه
والرسمه فيها دمع وضحك
وأرض ملْك
وابن واقف خلف السلك قصاد رسمه
والرسمه فيها يهود .. بحاخام
والأنكل سام..
وعرب لطاف في عايشين في سلام جوه الرسمه
رسم الكفوف زي الصبار
"حنظل" بمرار
صبي قصير واقف محتار قدام رسمه
رسمه لا تعرف تتحادق
ولا بتنافق
عيب ناجي إنه عاش صادق عاش للرسمه
كان زيي .. يائس يأس مميت
لكن عفريت
دخل لأعداؤه في البيت شايل رسمه
والرسمه ما فيهاش سما وبيوت
لكن لها صوت
يا ناجي .. كان لازم تموت بره الرسمه
لو كل إنسان جزاته في الحياه .. عمله
أنا اللي سافر بلاد الإنجليز .. قتله
قتلت ناجي العلي لما رسم صوره
يواجه الحزن فيها برايه مكسوره
لما فضحني ورسمني صوره طبق الأصل
ماعرفش يكدب ولا يطلع قليل الأصل
الناس بترسم بريشه وهوه ريشته نصل
فضح رموز الروايه وهيه ع المسرح
قتلته بايدي وإيد غيري في آخر الفصل
ويا بلادي .. ما تزعجيش نفسك عشان صوره
أهلي لا أهلك .. ولا أهلك ساعات أهلك
ماتحكيليش ع اللي قتلك .. مش حاخدلك تار
ماملمش غير أحسدك خالص علي قتلك
قتيل في غربه .. بيفرق عن قتيل الدار
يا ماشي للنور .. ومش ماشي علي مهلك
واحنا خطاوينا يمّ الموت .. تجيب العار
أنا الموساد..والفساد..قاتل كتير قبلك
"كمال"..و"غسان"..وإسأل "ماجد ابو شرار"
وحاموت.. لا شُفتك..ولا أعرف في يوم قبرك
لا حاحُط زهره عليه .. ولا حاغرس الصبار
حاولت قتل الجهل طلع الجهل متعلم
واهه قتلك
وحوَّلك وانت واضح .. سر م الأسرار
أمَّايه .. وانتي بترحي بالرَّحي..
علي مفارق ضحى..
-وحدك- وبتعدِّدي
علي كل حاجه حلوه مفقوده
ماتنسيش يا امَّه في عدُّوده
عدُّوده من أقدم خيوط سودا في توب الحزن
لا تولْولي فيها ولا تهللِّي..
وحطي فيها اسم واحد مات
كان صاحبي يا امَّه..
واسمه
ناجي العلي
أطفالك البؤسا ..قاموا هناك ورا الأسلاك
بيفتحوابالضوافر ....فكرة الشِّبَّاك
مين أول اللي رسمهم في الصحف إلاك؟
قلعوا الهدوم القدام ..وطلعوا بهدومك
إصحي يا ناجي العلي ..قامت القيامه هناك
قامت قيامة تمانيه واربعين ..غارفه
في طريقها ذل السنين العاقر الناشفه
إصحي يا ناجي العلي ..
علي مفارق ضحى..
-وحدك- وبتعدِّدي
علي كل حاجه حلوه مفقوده
ماتنسيش يا امَّه في عدُّوده
عدُّوده من أقدم خيوط سودا في توب الحزن
لا تولْولي فيها ولا تهللِّي..
وحطي فيها اسم واحد مات
كان صاحبي يا امَّه..
واسمه
ناجي العلي
يا قبر ناجي العلي ..وينك يا قبر
يا قبر معجون بشوك مطلي بصبر
الموت يقرب عليك ..يرتد خوف
واذا ما خافش الموت .. يرتد جبر
يا قبر ناجي العلي .. يادي الضريح
كان ميتك للأسف وطني صريح
تحتك فتي ناضر القلب .. غض
كان قلبه .. أرض مخيمات الصفيح
الأرض متغربه .. والحلم ملْك
خريطه شبه الوطن محاصرها سلك
واقف وراها شريد عاقد ايديه
حنّ الوطن ذلك .. للأرض .. تلك
غشيم في حب الوطن طبعا غشيم
ياللي تحب الوطن .. من الصميم
علي طريقة العرب في الحب .. عيش
ولىِ .. نقى .. متَّقي .. لكن لئيم
ناجي العلي في الأغنيه
هل عليّه
زي الغزاله البريه ماسك رسمه
كام قلت له : قولها خفايف
نص شفايف
قاللي : يا شاعر لو خايف شوف الرسمه
والرسمه فيها دمع وضحك
وأرض ملْك
وابن واقف خلف السلك قصاد رسمه
والرسمه فيها يهود .. بحاخام
والأنكل سام..
وعرب لطاف في عايشين في سلام جوه الرسمه
رسم الكفوف زي الصبار
"حنظل" بمرار
صبي قصير واقف محتار قدام رسمه
رسمه لا تعرف تتحادق
ولا بتنافق
عيب ناجي إنه عاش صادق عاش للرسمه
كان زيي .. يائس يأس مميت
لكن عفريت
دخل لأعداؤه في البيت شايل رسمه
والرسمه ما فيهاش سما وبيوت
لكن لها صوت
يا ناجي .. كان لازم تموت بره الرسمه
لو كل إنسان جزاته في الحياه .. عمله
أنا اللي سافر بلاد الإنجليز .. قتله
قتلت ناجي العلي لما رسم صوره
يواجه الحزن فيها برايه مكسوره
لما فضحني ورسمني صوره طبق الأصل
ماعرفش يكدب ولا يطلع قليل الأصل
الناس بترسم بريشه وهوه ريشته نصل
فضح رموز الروايه وهيه ع المسرح
قتلته بايدي وإيد غيري في آخر الفصل
ويا بلادي .. ما تزعجيش نفسك عشان صوره
أهلي لا أهلك .. ولا أهلك ساعات أهلك
ماتحكيليش ع اللي قتلك .. مش حاخدلك تار
ماملمش غير أحسدك خالص علي قتلك
قتيل في غربه .. بيفرق عن قتيل الدار
يا ماشي للنور .. ومش ماشي علي مهلك
واحنا خطاوينا يمّ الموت .. تجيب العار
أنا الموساد..والفساد..قاتل كتير قبلك
"كمال"..و"غسان"..وإسأل "ماجد ابو شرار"
وحاموت.. لا شُفتك..ولا أعرف في يوم قبرك
لا حاحُط زهره عليه .. ولا حاغرس الصبار
حاولت قتل الجهل طلع الجهل متعلم
واهه قتلك
وحوَّلك وانت واضح .. سر م الأسرار
أمَّايه .. وانتي بترحي بالرَّحي..
علي مفارق ضحى..
-وحدك- وبتعدِّدي
علي كل حاجه حلوه مفقوده
ماتنسيش يا امَّه في عدُّوده
عدُّوده من أقدم خيوط سودا في توب الحزن
لا تولْولي فيها ولا تهللِّي..
وحطي فيها اسم واحد مات
كان صاحبي يا امَّه..
واسمه
ناجي العلي
أطفالك البؤسا ..قاموا هناك ورا الأسلاك
بيفتحوابالضوافر ....فكرة الشِّبَّاك
مين أول اللي رسمهم في الصحف إلاك؟
قلعوا الهدوم القدام ..وطلعوا بهدومك
إصحي يا ناجي العلي ..قامت القيامه هناك
قامت قيامة تمانيه واربعين ..غارفه
في طريقها ذل السنين العاقر الناشفه
إصحي يا ناجي العلي ..
